Beginn Inhaltsbereich

Beginn Navigator

Ende Navigator

Drucken     


Premis svizzers da teater - versiun rumantscha

L'Uffizi federal da cultura surdat dapi il 2014 mintg'onn ils Premis svizzers da teater per onurar persunas ed instituziuns che s'èn engaschadas per ina scena teatrala multifara en Svizra.

Ils divers Premis svizzers da teater vegnan attribuids a las spartas fitg diversas da la lavur teatrala en Svizra, tranter auter per prestaziuns artisticas excepziunalas u per acturas ed acturs excepziunals. Sco premi principal surdat l'Uffizi federal da cultura il Grond premi svizzer da teater / Anè Hans Reinhart ad ina persunalitad u instituziun excepziunala da la scena teatrala svizra.

Dapi il 2015 finanziescha l'Uffizi federal da cultura er il Premi svizzer d'art da tribuna pitschna. Quel renconuscha a livel federal spartas teatralas sco cabaret, comica, clownaria, arts circens u furmas multi-disciplinaras.

Cun quests premis promova l'Uffizi federal da cultura la diversitad culturala da las regiuns linguisticas ed intermediescha quella ad in public naziunal ed internaziunal. Ultra da quai s'engascha l'Uffizi federal da cultura activamain en la promoziun dad organisaziuns professiunalas activas en la domena dal teater.

Premis svizzers da teater

L'Uffizi federal da cultura surdat annualmain in Grond premi svizzer da teater/Anè Hans Reinhart e divers Premis svizzers da teater. Dapi il 2015 attribuescha l'Uffizi federal da cultura ultra da quai il Premi svizzer d'art da tribuna pitschna.

Premis svizzers da teater

L'Uffizi federal da cultura surdat mintg'onn divers Premis svizzers da teater a persunas u instituziuns ch'èn s'engaschadas en il mund da teater svizzer. Tranter auter vegnan er onuradas acturas ed acturs excepziunals ed autras prestaziuns artisticas. Ils premis èn dotads cun 30'000 francs per persunas e cun 50'000 francs per instituziuns. Ils premis vegnan attribuids da la Giuria federala da teater ed i n'è betg pussaivel da s'annunziar per quels.

Grond premi svizzer da teater/Anè Hans Reinhart

Il Grond premi svizzer da teater/l'Anè Hans Reinhart cuntinuescha cun la tradiziun da la Societad svizra da teater (SST) dal pli impurtant premi svizzer da teater ed onurescha ina persunalitad u instituziun dal sectur da teater svizzer. Il premi è dotà cun 100'000 francs. L'anè vegn producì mintg'onn bel ed aposta per la persuna premiada e vegn surdat dad in represchentant da la Societad svizra da teater en il rom da la surdada dals premis. In cuntinuaziun da la tradiziun da l'Annuari svizzer davart l'Anè Hans Reinhard realisescha la SST ina publicaziun davart la victura u il victur. Il premi vegn attribuì da la Giuria federala da teater ed i n'è betg pussaivel da s'annunziar per quel.

Premi svizzer d'art da tribuna pitschna

Il Premi svizzer d'art da tribuna pitschna duai renconuscher a nivel federal prestaziuns excepziunalas en las spartas cabaret, comica, clownaria, arts circens e furmas multi-disciplinaras. La giuria da l'ATP (Associaziun artists - teater- promoziun) nominescha trais candidatas e candidats, il premi vegn attribuì da la Giuria federala da teater. Las persunas nominadas survegnan mintgamai 5'000 francs, la victura u il victur survegn totalmain 30'000 francs per ina persuna singula e 50'000 francs per ina gruppa. I n'è betg pussaivel da s'annunziar per quest premi.


Zuletzt aktualisiert am: 20.04.2016

Ende Inhaltsbereich

Volltextsuche

Contact

Bundesamt für Kultur
Sektion Kulturschaffen
Theater
Claudia Rosiny
Hallwylstrasse 15
3003 Bern
T +41 58 465 39 19
E E-Mail

Communicaziuns da pressa

Infurmaziuns ulteriuras



http://www.bak.admin.ch/kulturschaffen/04238/05191/index.html?lang=de