Beginn Inhaltsbereich

Beginn Navigator

Ende Navigator

Drucken     


Premis federals da litteratura - versiun rumantscha

L’Uffizi federal da cultura surdà mintg’onn in fin dus Gronds premis da litteratura e tschintg fin set Premis federals da litteratura. Ultra da quels datti en moda alternanta mintga segund onn in Premi spezial da translaziun ed in Premi spezial d’intermediaziun.

Premis federals da litteratura

A la Concurrenza federala da litteratura astgan sa participar Svizras e Svizzers ubain auturas ed auturs cun domicil en Svizra. Annunziar astg’ins ins ovra ch’è vegnida publitgada l’onn precedent en ina da las linguas naziunalas u en in dals dialects svizzers. La Giuria federala da litteratura decida davart la victura u il victur. Quella u quel vegn onurà mintgamai cun 25’000 francs ed ulteriuramain cun promover e render enconuschent sia ovra en Svizra ed a l’ester.

Il Grond premi da litteratura

Il Grond premi da litteratura vegn attribuì tenor la recumandaziun da la Giuria federala da litteratura. I vegn undrada ina persunalitad che s’engascha en moda unica per la litteratura svizra, saja quai cun l’intermediaziun, l’ediziun u la producziun litterara, cun scriver criticas litteraras ubain en ils secturs da la politica culturala, l’instrucziun u la perscrutaziun. Las premiadas ed ils premiads retschaivan in premi da mintgamai 40’000 francs.

Premi spezial da translaziun / Premi spezial d’intermediaziun

Mintga segund onn vegn surdà alternantamain il Premi spezial da translaziun ubain il Premi spezial d’intermediaziun tenor la recumandaziun da la Giuria federala per litteratura. Er quest premi è dotà cun 40’000 francs.

Il Premi spezial da translaziun distingua ina translatura u in translatur litterar cun qualitads extraordinarias. Il Premi spezial d’intermediaziun undrescha percunter in engaschament particular a favur da la litteratura svizra e la moda da la render accessibla al public.


Zuletzt aktualisiert am: 16.02.2017

Ende Inhaltsbereich

Volltextsuche

Contact

Bundesamt für Kultur
Sektion Kulturschaffen
Literatur
Christine Chenaux
Hallwylstrasse 15
3003 Bern
T +41 58 462 92 65
E E-Mail

Communicaziuns da pressa

Infurmaziuns ulteriuras



http://www.bak.admin.ch/kulturschaffen/04240/04578/04586/index.html?lang=de