Glista represchentativa dal patrimoni cultural

En Svizra è vegnida integrada en la glista represchentativa dal patrimoni cultural immaterial: La Festa da la vendemia da Vevey.

La festa da la vendemia a Vevey

Questa gronda manifestaziun, che celebrescha la buna cultivaziun da la terra e da las vignas, vegn organisada var tschintg giadas per tschientaner, damai en ina periodicitad che fa allusiun tant a la durada da vita d’ina vigna sco a la successiun da las generaziuns umanas. Questa tradiziun mobilisescha ina entira citad durant bleras emnas e premetta in grond engaschament da voluntaris. Ella constituescha ina impurtanta funtauna da creativitad regiunala causa ils divers spectaculs, las creaziuns musicalas ed ils costums che vegnan sviluppads en il rom da mintga ediziun.
https://www.bak.admin.ch/content/bak/de/home/kulturerbe/immaterielles-kulturerbe/umsetzung/glista-represchentativa-dal-patrimoni-cultural.html