Avertura da la Concurrenza svizra da litteratura

L’Uffizi federal da cultura lantscha la terza Concurrenza svizra da litteratura ed envida da sa participar a Svizras e Svizzers u ad auturas ed auturs cun domicil en Svizra. I pon vegnir inoltradas exclusivamain ovras litteraras ch’èn vegnidas scrittas en ina da las linguas naziunalas u en in dialect svizzer ch’èn cumparidas u vegnan ad esser publitgadas entaifer il 1. d’october 2013 fin ils 30 da settember 2014. La concurrenza è averta fin ils 15 d’avust 2014.

La giuria federala da litteratura tscherna, collavurond cun experts, fin la fin da november tranter ils dossiers inoltrads las ovras premiadas. Las candidatas ed ils candidats selecziunads vegnan infurmads en scrit davart la decisiun.

La nominaziun signifitga in premi en daners da mintgamai CHF 25‘000.-. Las persunas premiadas èn er envidadas da participar tranter il favrer ed il matg 2015 ad ina turnea da lectura en Svizra.

Inscripziun

Las auturas ed ils auturs fan il bain da s’inscriver sin la plattafurma:

Ulteriori informazioni

Contact

https://www.bak.admin.ch/content/bak/it/home/kulturschaffen/letteratura/premi-di-letteratura---attualita/letteratura---attualita-2014/avertura-da-la-concurrenza-svizra-da-litteratura.html