La directura

Isabelle Chassot
Isabelle Chassot
© BAK/NB Fabian Scherler

Isabelle Chassot dirigia l’Uffizi federal da cultura dapi il 1. da november 2013.

Suenter ses studi da giurisprudenza a l’Universitad da Friburg (licenziat biling) ha Isabelle Chassot obtegnì l’onn 1992 la patenta d’advocata ed ha lavurà en questa professiun fin l’onn 1995. Alura è ella entrada en l’administraziun federala sco collavuratura scientifica e l’onn 1997 è ella daventada collavuratura persunala dal cusseglier federal Arnold Koller e da la cussegliera federala Ruth Metzler. Durant quest temp ha ella medemamain fatg part dal Cussegl grond dal chantun Friburg e da differentas cumissiuns, associaziuns e fundaziuns. L’onn 2001 è Isabelle Chassot vegnida elegida en il Cussegl dal Stadi dal chantun Friburg ed ha manà da l’onn 2002 fin la fin d’october 2013 la Direcziun da l’educaziun, da la cultura e dal sport. L’onn 2006 e l’onn 2011 è ella vegnida reelegida e l’onn 2007 ha ella presidià la Regenza friburgaisa. Ultra da quai è ella stada da l’onn 2006 fin la fin d’october 2013 presidenta da la Conferenza svizra da las directuras e dals directurs chantunals da l’educaziun publica (CDEP).

Il matg 2013 ha il Cussegl federal elegì Isabelle Chassot sco nova directura da l’Uffizi federal per cultura.

Ultima midada 25.11.2016

Tar il cumenzament da la pagina

Contact

Uffizi federal da cultura
Direcziun
Hallwylstrasse 15
3003 Bern
info@bak.admin.ch

Stampar il contact

https://www.bak.admin.ch/content/bak/rm/home/das-bak/die-amtsvorsteherin.html