Yves Fischer, vicedirectur

Yves Fischer, Vicedirectur da l’UFC

Il giurist e musicist da professiun Yves Fischer, naschì l’onn 1974, è entrà en il servetsch da l’Uffizi federal da cultura (UFC) l’onn 2002. El ha contribuì a l’elavuraziun ed a la realisaziun da divers projects legislativs en il sectur da la cultura tant a nivel naziunal sco er internaziunal. A partir da l’avrigl 2006 ha el manà il Post spezialisà per il transferiment internaziunal da bains culturals ed il Post da consultaziun per art spoglià da l’UFC. En il rom da questa activitad ha el tranter auter negozià contracts internaziunals bilaterals e tractà differents cas d’ovras d’art spogliadas.

Suenter ses studis a New York, a Berna ed a Paris ha Yves Fischer obtegnì in master en istorgia e gestiun da la cultura a la Sorbonne. Avant sia entrada en servetsch tar l’UFC è el stà consulent giuridic tar l’Organisaziun da las Naziuns Unidas per l’educaziun, la scienza e la cultura (UNESCO) a Paris. Durant ses temp da studi a Berna ha el lavurà sco magister da musica ad ina scola da musica.

Yves Fischer è vicedirectur da l’UFC dapi il 1. da zercladur 2008. El è responsabel per la direcziun operativa da l’UFC e parta la responsabladad per la realisaziun da la politica culturala da la Confederaziun.

Contact

Uffizi federal da cultura
Direcziun
Hallwylstrasse 15
3003 Bern
info@bak.admin.ch

Stampar il contact

https://www.bak.admin.ch/content/bak/rm/home/das-bak/die-amtsvorsteherin/yves-fischer--stellvertretender-direktor.html