Mantegniment e promoziun da la lingua e da la cultura rumantscha e taliana

A basa da la Lescha da linguas LLing (art. 22) e da l’Ordinaziun da linguas OLing (art. 18 e 25) sustegna la Confederaziun ils chantuns Grischun e Tessin per mantegnair e per promover la lingua e la cultura rumantscha e taliana.
Ils agids finanzials che la Confederaziun conceda a quests dus chantuns èn destinads per:

  • sviluppar mesiras chantunalas generalas per il mantegniment e per la promoziun da la lingua e da la cultura rumantscha e taliana (translaziuns, publicaziuns, sensibilisaziun, instrucziun, sustegn da projects e.u.v.);
  • sustegnair organisaziuns ed instituziuns che surpiglian incumbensas surregiunalas per mantegnair e per promover la lingua e la cultura rumantscha e taliana;
  • promover l’activitad editoriala en las regiuns da lingua rumantscha e taliana;
  • sustegnair l’activitad editoriala e las medias stampadas rumantschas;
  • sustegnair l’Osservatorio linguistico della Svizzera italiana tar sias activitads da retschertga e da promoziun da la lingua taliana.

A partir da l’onn 2016 po l’Uffizi federal da cultura sustegnair mesiras supplementaras a favur da la lingua taliana ordaifer ses territori da derasaziun tradiziunal (Tessin e Grischun italofon). En quest connex pon vegnir sustegnids projects per meglierar las cundiziuns generalas da l’instrucziun da talian (p.ex. supervisiun scientifica da projects da pilot, elavuraziun da material didactic per l’instrucziun) e projects per sviluppar furmaziuns bilinguas che cumprendan il talian. Finalmain pon er vegnir sustegnidas occurrenzas culturalas per intermediar la lingua e la cultura da la Svizra taliana en las autras regiuns linguisticas dal pajais.

La concurrenza è publitgada:

L’onn 2018 ha la Confederaziun dà al Center per democrazia Aarau (ZDA) l’incumbensa d’evaluar l’effect da l’agid finanzial che la Confederaziun conceda al chantun Grischun per mantegnair e per promover la lingua e la cultura rumantscha e taliana en il chantun. Ultra da quai serva questa evaluaziun al Cussegl federal sco basa per la resposta al postulat Semadeni (15.4117) «Allegra, Romanisch und Italienisch sollen leben!» ch’è vegnì acceptà dal Cussegl naziunal ils 28 da settember 2017.

Contact

Uffizi federal da cultura
Secziun da cultura e societad
Stéphanie Cattaneo-Andrey
Hallwylstrasse 15
3003 Berna
Telefono +41 58 464 10 69
E-Mail

Stampar il contact

https://www.bak.admin.ch/content/bak/rm/home/sprachen-und-gesellschaft/sprachen/sprachengesetz-und-sprachenverordnung/erhaltung-und-foerderung-der-raetoromanischen-und-der-italienisc.html