Tradiziuns svizras / Glista represchentativa dal patrimoni cultural immaterial da la UNESCO
Tradiziuns svizras
Las suandantas tradiziuns vivas svizras figureschan sin la Glista represchentativa dal patrimoni cultural immaterial da l’umanitad (urden cronologic):
Festa da la vendemia a Vevey
La festa da la vendemia è ina gronda occurrenza per festivar la cultivaziun d’ers e da vignas. Ella ha lieu var tschintg giadas per tschientaner, en in ritmus che regorda tant a la durada da vita d’ina vit sco er a la successiun da las generaziuns umanas. Durant pliras emnas mobilisescha questa festa l’entira citad da Vevey e pretenda in grond engaschament voluntari. Ella è ultra da quai ina impurtanta funtauna da creativitad regiunala. Per mintga ediziun vegnan numnadamain sviluppads differents spectaculs e costums sco er diversas creaziuns musicalas.
Tschaiver da Basilea
Il tschaiver da Basilea è in’occurrenza ch’è fitg enconuschenta sur ils cunfins regiunals e naziunals or. El è er in dals paucs tschaivers sin quest mund che deriva d’ina tradiziun protestanta. Questa festa è in element central da l’identitad da las Basilaisas e dals Basilais e cumpiglia ultra da quai in grond spectrum da praticas musicalas, oralas ed artisanalas che fan part dal patrimoni cultural immaterial.
La gestiun cun il privel da lavinas
Questa tradiziun fa part dal patrimoni invernal alpin. Ella cumpiglia diversas tecnicas per garantir la segirezza da l’esser uman en las regiuns muntagnardas autsituadas grazia ad enconuschientschas adina meglras da la cuverta da naiv e da las «lunas da la muntogna». Ella stat per ils lioms da la populaziun alpina cun ses ambient sco er per la colliaziun dal know-how tradiziunal cun la tecnica scientifica moderna. La sintesa da tradiziun e da tecnicitad è ina caracteristica fitg originala da questa candidatura.
Processiuns da l’Emna sontga a Mendrisio
Questas processiuns da Pasca fan part da las festas las pli impurtantas da la Svizra taliana ed existan dapi il 17avel tschientaner. Ellas han lieu la gievgia sontga ed il venderdi sontg ed ellas regordan a l’ultima tschavera da Cristus cun ses giuvnals ed a sia crucificaziun. Ultra da quest aspect religius datti er ina impurtanta cumponenta artisanala ed artistica: la fabricaziun da laternas e da «transparents» ch’èn ornads cun motivs simbolics e biblics e che sauman il percurs da las processiuns. Intgins da quests objects èn passa 100 onns vegls e vegnan duvrads – ultra da las creaziuns pli contemporanas – anc oz.
Art d’urer e mecanica d’art
Il know-how en la domena da l’art d’urer, ch’è caracteristic per il success da l’industria svizra, furma la basa patrimoniala da l’uraria sco pratica artisanala e manuala. Questa candidatura accentuescha la rolla da la furmaziun en l’uraria e da l’inschign uman ch’è anc adina indispensabel per l’innovaziun e per la precisiun tecnica. In ulteriur accent vegn mess sin la tradiziun locala da Sainte-Croix da producir automats e stgatlas da musica, l’uschenumnada mecanica d’art che cumpiglia medemamain in vast know-how.
Stagiun d'alp
Jodel
Questa tradizione rinvia al patrimonio musicale svizzero, che costituisce un tratto caratteristico della vita culturale e associativa del Paese. Lo jodel comprende anche una moltitudine di stili e si rinnova costantemente, associandosi talvolta a altri generi musicali. Come tecnica vocale ancestrale, utilizzata per comunicare nei grandi spazi («jodel naturale»), può essere paragonato ad alcune espressioni culturali presenti nel mondo intero. È ipotizzabile una candidatura comune a tutte le regioni che utilizzano tecniche simili.
Tradiziuns multinaziunalas
En collavuraziun cun auters pajais èn questas tradiziuns vivas derasadas en Svizra vegnidas registradas sco elements multinaziunals en la Glista represchentativa da l’umanitad.
Construir mirs sitgs
Alpinissem
Sauaziun tradiziunala: savida, tecnica ed organisaziun
Uffizi federal da cultura
Secziun da cultura e societad
Hallwylstrasse 15
3003 Berna