Alpinissem
Categorias: natira ed univers, praticas socialas
L’alpinissem è ina moda da sa mover en muntogna, che cumpiglia – ultra da las tecnicas da chaminar ordaifer las sendas – er ils cumportaments en cas da privels sco bovas u sfendaglias. L’alpinissem sa differenziescha en quest connex dal viandar sin sendas marcadas, u dal ski alpin sin pistas segiradas. El è caracterisà d’ina cultura cuminaivla che cumprenda d’ina vart l’enconuschientscha da l’ambient alpin, l’istorgia da las praticas e da las valurs ch’èn colliadas cun talas, e da l’autra vart las tecnicas da chaminar ed il diever da la corda, dal zappunet e da las charpellas. Questa cultura è colliada cun ideas e cun imaginaziuns esteticas che sa refereschan a la bellezza da las rutas, a l’eleganza dals moviments ed a l’experientscha en ils conturns natirals. L’alpinissem, che ha gì sia culminaziun cun ils pioniers englais durant la mesadad dal 19avel tschientaner, cumpiglia oz ina gronda varietad d’activitads. Differentas associaziuns èn – tras ils divers curs da furmaziun ch’ellas porschan – purtadras da la tradiziun alpina. I dat er in interess artistic per l’alpinissem, oravant tut en la litteratura ed en l’art figurativ. Ils conflicts d’interess tranter ils differents acturs ed il stgaudament dal clima èn las grondas sfidas, cun las qualas l’alpinissem è confruntà il cumenzament dal 21avel tschientaner.
Uffizi federal da cultura
Secziun da cultura e societad
Hallwylstrasse 15
3003 Berna