Construir mirs sitgs
Categorias: artisanadi tradiziunal, natira ed univers
Plunar crappa sitga per construir mirs stabels e duraivels senza duvrar maulta, cement u substanza lianta è in art ed ina tradiziun ch'exista gia dapi plirs tschientaners. Ils mirs sitgs èn in element caracteristic da la cuntrada svizra. Els èn las perditgas da la cultura da construcziun rurala e da l’artisanadi. Els porschan ultra da quai spazi da viver prezius per plantas ed animals e promovan uschia la biodiversitad. Diversas instituziuns, artisanas ed artisans s’engaschan a favur da questa veglia tecnica, quai per amur da las bellas furmas e perquai ch’els èn conscients da las funcziuns multifaras da quests mantuns da crappa. Els mantegnan la pratica da la construcziun cun crappa sitga, transmettan il know-how necessari per construir novs mirs e protegian ils vegls mirs cunter la decadenza.
Uffizi federal da cultura
Secziun da cultura e societad
Hallwylstrasse 15
3003 Berna