Cultura da construcziun

Sche umans èn activs en in spazi ed al furman en tut sia diversitad, sa manifestescha quai en la cultura da construcziun.

Tuts pon avair in pled en chapitel, co che nus vivain ensemen, sch'i vegn debattà e tractà davart la cultura da construcziun.

Auta cultura da construcziun resulta d'in tractament dal spazi orientà a la qualitad.

Il patrimoni construì è ina part integrala da la cultura da construcziun. Ella merita da vegnir tgirada e protegida.

Maletgs da lieus na represchentan betg mo l'istorgia, els furman er il spazi da viver actual. Els posiziuneschan ils umans e stgaffeschan patria. Tar in maletg dal lieu tutgan ultra dals edifizis er vias, plazzas, ierts, parcs e cultira. Sch'in maletg dal lieu è degn da vegnir protegì, vegn determinà tras la qualitad da quests elements, ma er tras lur relaziun l'in cun l'auter. La tgira e l'ulteriur svilup cun quità da noss maletgs da lieus contribueschan a la qualitad da noss ambient construì ed a noss bainesser.

L'Uffizi federal da cultura (UFC) coordinescha la promoziun d'ina auta cultura da construcziun da la Confederaziun. El sustegna ils chantuns cun cussegls e sviluppa purschidas da furmaziun supplementara. Sco post spezialisà da la Confederaziun examinescha el las consequenzas da projects da la Confederaziun e da ses instituts per il patrimoni construì.

L'Uffizi federal da cultura (UFC) promova in'auta cultura da construcziun cun agids finanzials en las trais categorias objects, projects ed organisaziuns. Contribuziuns ad objects conceda il UFC en collavuraziun cun ils chantuns. Cuminaivlamain sustegnan la Confederaziun ed ils chantuns mesiras archeologicas sco er il mantegniment e la tgira da monuments e da maletgs da lieus.

Monuments èn perditgas da munds da viver passads. Els influenzeschan noss ambient e pussibiliteschan in access a l’istorgia construida. Dapi passa 100 onns s’engascha la Cumissiun federala dals monuments istorics (CFMI) per il mantegniment dal patrimoni architectonic en Svizra.