Mandat

La lavur culturala da la Confederaziun en Svizra sa basa essenzialmain sin la collavuraziun tranter l’Uffizi federal da cultura e la fundaziun Pro Helvetia. L’Uffizi federal da cultura è l’organ strategic cumpetent per l’elavuraziun e per la realisaziun da la politica culturala da la Confederaziun. El surpiglia las incumbensas statalas en il senn stretg, vul dir las incumbensas suveranas, numnadamain la meglieraziun da las cundiziuns generalas instituziunalas, l’elavuraziun da decrets en il sectur da la cultura, l’examinaziun da la cumpatibilitad culturala dals decrets d’autras domenas politicas (taglia sin la plivalur, commerzi liber internaziunal, furmaziun professiunala, linguas e.u.v.) sco er – en coordinaziun cun il Departament federal d’affars exteriurs (DFAE) – la negoziaziun da contracts internaziunals en il sectur da la cultura, la represchentaziun da la Svizra en organisaziuns multilateralas e la tgira da relaziuns internaziunalas. Sias activitads da promoziun cumpiglian il patrimoni cultural (protecziun da la patria e tgira da monuments, transferiment da bains culturals, museums e collecziuns) e la lavur culturala (film, premis e distincziuns, sustegn d’organisaziuns culturalas). Latiers tutga er la promoziun culturala da basa (politica linguistica e da la chapientscha, furmaziun musicala, promoziun da la lectura, pievels viagiants, scolas svizras a l’exteriur). 

Ultima midada 25.11.2016

Tar il cumenzament da la pagina

Contact

Uffizi federal da cultura
Direcziun
Hallwylstrasse 15
3003 Berna
Telefon +41 58 462 92 66
info@bak.admin.ch

Stampar il contact

https://www.bak.admin.ch/content/bak/rm/home/das-bak/auftrag.html