Plirs elements da la Svizra figureschan sin las glistas da la UNESCO per il patrimoni cultural immaterial. Ulteriuras candidaturas èn en preparaziun.
La Glista represchentativa dal patrimoni cultural immaterial da l’umanitad cuntegna furmas d’expressiun, che mussan la diversitad dal patrimoni cultural immaterial e che fan vegnir conscient da l’impurtanza da quel.
Il register cun buns exempels or da la pratica per proteger il patrimoni cultural immaterial consista da programs, da projects e d’activitads, ch’expriman ils princips e las finamiras da la cunvegna.
Pliras tradiziuns svizras èn gia vegnidas inscrittas sin la glista dal patrimoni cultural immaterial da la UNESCO. Ulteriuras candidaturas vegnan il mument elavuradas. Las nominaziuns e las tradiziuns gia inscrittas duain mussar che la Svizra è conscienta da l’impurtanza dal patrimoni cultural viv e ch’ella vul conservar quel. Ultra da quai vai er per rinforzar la lavur da mediaziun.
