Il program Giuventetgna e Musica (G+M) ha sco finamira da manar ils uffants ed ils giuvenils a l'activitad musicala e da promover lur svilup d'in punct da vista cumplessiv pedagogic, social e cultural. I sa tracta d'in program federal per la promoziun musicala dals uffants e dals giuvenils.
Emprender ad enconuscher G+M:
Il program Giuventetgna e musica (G+M) è in program da la Confederaziun per la promoziun musicala d'uffants e da giuvenils.
Daventar manadra u manader da G+M:
La scolaziun per daventar manadra u manader da G+M sa drizza tant a las musicistas ed als musicists professiunals sco er amaturs. Sco manadra u manader da G+M pudais vus manar purschidas da G+M.
Contribuziuns finanzialas per purschidas da G+M:
L'Uffizi federal da cultura paja contribuziuns finanzialas a purschidas da G+M che vegnan organisads da manadras e manaders da G+M. Dumondas da contribuziun pon vegnir inoltradas sur la pagina d'internet da G+M.
