Dal 2013 fin il 2019 ha l'Uffizi federal da cultura surdà mintga dus onns Premis svizzers da saut e dal 2014 fin il 2020 annualmain Premis svizzer da teater. A partir dal 2021 vegnan ils Premis svizzers da saut ed ils Premis svizzers da teater unids sut il tetg dals "arts represchentativs" e surdads mintga onn a chaschun d'ina occurrenza cuminaivla.
La finamira da questa midada è l'avischinaziun da las spartas saut, teater, art pitschen ed autras fassettas dals arts represchentativs sco performance, circus contemporan, teater da figuras u art sin via. Tras la reuniun duain ils arts represchentativs daventar pli visibels. Uschia po ultra da quai l'Anè Hans Reinhart puspè vegnir surdà en tut ils secturs dals arts represchentativs, en spezial er en il saut.
Cun quests premis undrescha l'Uffizi federal da cultura artistas ed artists sco er lur ovras, promova la diversitad ed il barat da las regiuns linguisticas ed als renda enconuschents ad in public naziunal ed internaziunal. Per la promoziun dals premis collavura l'Uffizi federal da cultura stretgamain cun partenarias e partenaris. Ultra da surdar premis e distincziuns sustegna l'Uffizi federal da cultura la schientscha istorica davart il patrimoni cultural dals arts represchentativs e s'engascha per la promoziun d'organisaziuns professiunalas.
Barbara Frey, Ballet Junior
© Adrian Moser / BAK
Contact
Uffizi federal da cultura
Secziun Lavur culturala
Arts figurativs
Claudia
Rosiny
Hallwylstrasse 15
3003
Berna
Telefono
+41 58 465 39 19