Occurrenzas culturalas

Festa federala da jodladers 2017 a Brig: avertura festiva
Festa federala da jodladers 2017 a Brig: avertura festiva
© Swiss-Image

L'Uffizi federal da cultura UFC sustegna occurrenzas e debattas culturalas che permettan ad in vast public da sa fatschentar cun differentas furmas d'expressiun culturalas. I vegnan promovidas oravant tut occurrenzas en il sectur da la cultura populara e da la cultura da laics sco er dis d'acziun naziunals.

Sustegn d'occurrenzas culturalas

Cun il sustegn d'occurrenzas culturalas duai vegnir sensibilisà in vast public per furmas d'expressiun culturalas, per exempel tras festas en la domena da la cultura populara e da la cultura da laics.

Ils projects ston avair ina muntada essenziala per la Svizra u per las differentas cuminanzas culturalas e linguisticas en Svizra e na dastgan betg avair ina finamira da rendita. I vegnan mo sustegnids projects che han en mira in dumber da visitadras e visitaders d'almain 10 000 persunas.

La finamira èsi d'encuraschar la diversitad culturala e da promover l'access a la cultura. Las contribuziuns da promoziun vegnan concedidas mintga onn per la perioda 2017–2020.

 

Ultima midada 02.09.2021

Tar il cumenzament da la pagina

Contact

Uffizi federal da cultura
Secziun da cultura e societad
Hallwylstrasse 15
3003 Berna
Telefono +41 58 462 49 51
E-Mail

Stampar il contact

https://www.bak.admin.ch/content/bak/rm/home/sprachen-und-gesellschaft/occurrenzas.html