Promoziun da la lectura

Leseförderung — © Foto: connel / Shutterstock

Leger e scriver èn capacitads fundamentalas che avran las portas dal savair e dal pensar, che dattan access a la furmaziun ed a l'integraziun professiunala e che represchentan uschia ina pitga per la participaziun activa a la vita culturala. La Confederaziun metta in accent particular sin la litteratura per uffants e giuvenils.

Sin basa da l'artitgel 15 LPCu sustegna la Confederaziun organisaziuns ed instituziuns naziunalas ch'èn activas en il sectur da la promoziun da la lectura. Las incumbensas concretas da las organisaziuns e da las instituziuns che vegnan sustegnidas èn mintgamai fixadas en cunvegnas da prestaziun.

Supplementarmain al sustegn ad organisaziuns po la Confederaziun finanziar projects singuls persistents da la promoziun da la lectura, che pussibiliteschan ina stretga colliaziun cun las bibliotecas e cun las scolas.