Charta europeica da las linguas regiunalas u minoritaras

La Charta europeica da las linguas regiunalas u minoritaras (CS 0.441.2) è vegnida concludida l'onn 1992 a Strasbourg. Ella è vegnida ratifitgada da la Svizra l'onn 1997 ed è entrada en vigur il 1. d'avrigl 1998. Las finamiras principalas da la Charta da las linguas regiunalas u minoritaras èn da natira linguistica e culturala. Ses intent principal è la protecziun e la promoziun da la diversitad linguistica sco in dals elements ils pli custaivels da la vita culturala europeica. Ils stadis contractants s'obligheschan da rediger mintga trais onns in rapport davart la situaziun da las linguas regiunalas e minoritaras e davart las mesiras prendidas per realisar las disposiziuns da la Charta. L'Uffizi federal da cultura è responsabel per ils rapports periodics da la Svizra.

Convenziun da basa

La Convenziun da basa per proteger las minoritads naziunalas è l'emprim instrument multilateral europeic giuridicamain liant per la protecziun da las minoritads naziunalas. Ella ha sco finamira da proteger l'existenza da las minoritads naziunalas en il territori respectiv dals stadis contractants e da promover l'egualitad cumplaina ed effectiva da las minoritads naziunalas cun crear las cundiziuns adattadas che permettan ad ellas da mantegnair e da sviluppar lur cultura e da salvar lur identitad.
La convenziun è vegnida concludida l'onn 1995 a Strasbourg. Ella è vegnida ratifitgada da la Svizra l'onn 1998 ed è entrada en vigur il 1. da favrer 1999.
Ils stadis contractants ston preschentar mintga trais onns in rapport davart la realisaziun da la convenziun. Il Departament federal d'affars exteriurs (DFAE, Secziun dal dretg internaziunal public) è responsabel per ils rapports periodics da la Svizra.

Ulteriuras infurmaziuns

Ultima midada 02.09.2021

Tar il cumenzament da la pagina

Contact

Uffizi federal da cultura
Secziun da cultura e societad
Hallwylstrasse 15
3003 Berna
Telefono +41 58 462 49 51
E-Mail

Stampar il contact

https://www.bak.admin.ch/content/bak/rm/home/sprachen-und-gesellschaft/sprachen/europaeische-charta-der-regional--und-minderheitensprachen.html