L'Uffizi federal da cultura (UFC) po sustegnair mesiras en differents secturs che s'occupan da la promoziun da la plurilinguitad e da la chapientscha tranter las cuminanzas linguisticas. Las concurrenzas per inoltrar projects èn disponiblas sin la plattafurma da promoziun da l'Uffizi federal da cultura (FPF, guardar link sutvart).
Las suandantas concurrenzas vegnan publitgadas mintga onn:
- Promoziun da las linguas naziunalas en l'instrucziun
- Promoziun da las enconuschientschas dals alloglots en lur emprima lingua
- Promoziun da la lingua e da la cultura taliana ordaifer la Svizra taliana cun sustegnair projects da scola
- Promoziun da la lingua e da la cultura rumantscha ordaifer la Svizra rumantscha.
Ulteriuras infurmaziuns davart las concurrenzas e davart ils secturs da sustegn chattais Vus sin las sutpaginas respectivas.
