Promoziun da la lingua e cultura rumantscha ordaifer la Svizra rumantscha

Ina da las prioritads ch'il Cussegl federal ha fixà en la missiva da cultura 2021-2024 è la promoziun da la lingua e cultura rumantscha ordaifer il territori linguistic rumantsch. Ad uffants e giuvenils duain star a disposiziun purschidas da furmaziun rumantschas er en la diaspora e persunas e famiglias emigradas duain vegnir sustegnidas en il diever da lur lingua. Per pudair consolidar, emprender e far diever da la lingua duain vegnir elavuradas e promovidas las basas correspundentas. La noziun diaspora rumantscha sa referescha en spezial a la diaspora extrachantunala, ma er al territori betg tradiziunalmain rumantsch en il chantun Grischun.

L’UFC sustegn projects en ils suandants secturs :

1. Projects che promovan d’emprender e consolidar la lingua rumantscha per uffants e giuvenils ordaifer il territori linguistic rumantsch;
2. Projects che promovan il diever da la lingua rumantscha.

Diaspora rumantscha: glista da projects sustegnids il 2023 (PDF, 206 kB, 14.12.2023)

Per l’inoltraziun da dumondas stat a disposiziun in mussavia.

Mussavia per dumondas sin il champ da la promoziun da la lingua e cultura rumantscha ordaifer la Svizra rumantscha (PDF, 170 kB, 14.12.2022)

Dumondas per intents da promoziun da la lingua e cultura rumantscha ordaifer la Svizra rumantscha pon vegnir inoltrads mintgamai sin l’emprim da mars. La dumonda è d’inoltrar sin la plattafurma da promoziun (FPF):

Piattaforma per i contributi di sostegno (FPF)

Per inoltrar ina dumonda è in login necessari che po vegnir obtegnì via in servetsch d’autoregistraziun. Mintga requirent, mintga requirenta obtegn in conto persunal, cun il qual il status da la dumonda po vegnir persequità. Dumondas gia inoltradas èn era da chattar en il conto persunal.

Las ulteriuras infurmaziuns tar la plattafurma da promoziun èn accessiblas en lingua tudestga.